მიხეილ სააკაშვილი აშშ-ში დაღუპული მოსწავლეების ოჯახებს უსამძიმრებს

საქართველოს პრეზიდენტი მიხეილ სააკაშვილი მწუხარებას გამოთქვამს ამერიკაში მომხდარ ტრაგედიაზე, რომლის დროსაც 27 ადამიანი დაიღუპა.

„შემძრა იმ საშინელმა ტრაგედიამ, რომელიც ამერიკის შეერთებულ შტატებში, ქალაქ ნიუთაუნის სენდი-ჰუკის სკოლაში მოხდა. ამ საზარელ დანაშაულს ექვსი პედაგოგისა და 20 პატარას სიცოცხლე ემსხვერპლა. რთულია სიტყვები მოძებნო იმ ტკივილის შესამსუბუქებლად, რომელსაც ახლა დაღუპულთა ოჯახის წევრები და ამერიკელი ხალხი განიცდის.

ქართველი ერის სახელით, გულწრფელად თანავუგრძნობ თითოეული გარდაცვლილის ოჯახს, ამერიკელ ხალხს და შეერთებული შტატების მთავრობას. სრულიად საქართველო იზიარებს თქვენს ტკივილს და ლოცულობს მათთვის, ვინც ამ ტრაგედიის მსხვერპლი გახდა.

მიიღეთ ჩვენი გულწრფელი სამძიმარი“,-ნათქვამია განცხადებაში.