სტრასბურგში დღეს ქართული ფილმების კვირეული გაიხსნება
ქართული კულტურის დღეების ფარგლებში, 2012 წლის 16-22 დეკემბერს, სტრასბურგის კინოთეატრ "ოდისეა"-ში ქართული ფილმების კვირეული გაიმართება.
კინომოყვარულებს შესაძლებლობა ექნებათ ნახონ საქართველოს მიერ წარმოებული თანამედროვე ფილმები, ასევე ქართული კინოკლასიკა.
ოთარ იოსელიანის "გიორგობის თვის" გარდა, კვირეულში რეჟისორ ელდარ შენგელაიას - "ცისფერი მთები", გიორგი ოვაშვილის - "გაღმა ნაპირი", კოტე მიქაბერიძის - "ჩემი ბებია" და სხვები მიიღებენ მონაწილეობას.
კინოთეატრი "ოდისეა" XX საუკუნის 30-იან წლებშია აშენებული. მისი პროგრამა დღემდე შედგენილია ფილმებისგან, რომლებიც მაღალი მხატვრული ღირებულებით გამოირჩევა.
