პოლიციის საქმიანობას გამოკითხულთა 43% "კარგად" აფასებს
ეროვნულ-დემოკრატიული ინსტიტუტის NDI-ის კვლევის თანახმად, პოლიციის საქმიანობას "კარგად" გამოკითხულთა 43% აფასებს.
კვლევის მიხედვით შემდეგ ადგილზე საქართველოს ჯარია, რომლის საქმიანობა დადებითად ("კარგად") გამოკითხულთა 42%-მა შეაფასა.
როგორც კვლევაშია აღნიშნული, კოალიცია "ქართული ოცნების" საქმიანობას "კარგად" გამოკითხულთა 39% აფასებს.
საქართველოს პარლამენტის საქმიანობა "კარგად" გამოკითხილთა 20%-მა შეაფასა. იგივე მაჩვენებელი აქვს რესპოდენტებს ცენტრალურ საარჩევნო კომისიის საქმიანობასთან დაკავშირებით.
გამოკითხულთა 14% სასამართლოების საქმიანობას "კარგად" აფასებს. აღნიშნულ შკალაში 6% აქვს პროფკავშირებს, 15% ადგილობრივ ხელისუფლებას, 9% საზოგადოებრივ მაუწყებელს, რაც შეეხება სახელმწიფო აუდიტის სამსახურს, მის საქმიანობას "კარგად" გამოკითხულთა 6% აფასებს, რომელსაც "ნაციონალური მოძრაობა" _ 3%-ით მოყვება.
NDI-იმ აღნიშნული კვლევა 14-25 ნოემბერს მთელი საქართველოს მასშტაბით ჩაატარა. პირისპირ ინტერვიუს მეთოდით 1947 მოქალაქე გამოკითხა.
ცდომილება საშუალოდ, + - 3%-ია.
