შსს-მ პროსტიტუციის კერა თბილისშიც აღმოაჩინა

თბილისის შს მთავარი სამმართველოს ძველი თბილისის პოლიციის სამმართველოს თანამშრომლებმა ჩატარებული ოპერატიულ-სამძებრო და საგამოძიებო ღონისძიებების შედეგად, 5 პირი დააკავეს:  1956 წ. დაბადებული მიმოზა ფ, 1972 წ. დაბადებული ნათია კ, 1958 წ. დაბადებული დოდო მ, 1968 წ. დაბადებული ნათელა ჩ და 1967 წ. დაბადებული მარინე შ.

შინაგან საქმეთა სამინისტროს ინფორმაციით, დაკავებულები გოგოლის ქუჩაზე  და მის მიმდებარე ტერიტორიაზე სისტემატურად ეწეოდნენ პროსტიტუციისთვის ფართების გადაცემის ორგანიზებას.

საქმე აღიძრა საქართველოს სისხლის სამართლის კოდექსის 254-ე მუხლით.

ბრალის დამტკიცების შემთხვევაში,  დანაშაული 2 -დან 4 წლამდე პატიმრობას ითვალისწინებს.

გამოძიებას ძველი თბილისის სამმართველოს დეტექტივების განყოფილება აწარმოებს.