ჭიათურის მაღაროს გაფიცული თანამშრომლები თბილისის საკრებულოსთან არიან შეკრებილები. მათ მოთხოვნებს, გაიზარდოს ხელფასები და შემცირდეს სამუშაო საათები, კიდევ ერთი დაემატა-მონიტორინგის ჯგუფის შექმნა. აქციის მონაწილეებს შეუერთდნენ "ლაბორატორია 1918"-ის წევრები.
მჯდომარე აქცია გრძელდება ჭიათურის მაღაროში, სადაც მომიტინგეებს 15 ქალიც შეუერთდა. აქციის მონაწილეებმა წერილი, სადაც ჩამოთვლილია მათი მოთხოვნები, ადმინისტრაციას გადასცეს.
ფოთის პორტი ისევ პარალიზებულია. 700-მდე მუშამ უვადო გაფიცვა გამოაცხადა, მთავარი მოთხოვნა ხელფასების გაზრდაა. აქციის მონაწილეები აცხადებენ, რომ პორტის ადმინისტრაციას 25 ოქტომბერს შეხვდნენ და ვადა 1 ნოემბრამდე მისცეს. ამ დროისთვის 119 ე.წ რეზერვის მუშას ხელფასი 40%-ით გაეზარდა. პორტის გენერალური დირექტორი ჯოზეფ ქროული აცხადებს, რომ დანარჩენებს ხელფასი იანვრიდან 20%-ით გაეზრდებათ.
