დავით კოდუა ნამორაძის ბრალდებებს უსაფუძვლოდ მიიჩნევს
ბიზნესმენი დავით კოდუა მის ცემაში ბრალდებული ნოშრევან ნამორაძის გირაოს სახით გათავისუფლების ფაქტს ეხმაურება.
კოდუას განცხადებით, ნამორაძე აღნიშნული ფაქტის დროს მარტო არ იმყოფებოდა.მისი თქმით, ის ბრალდებები, რომელიც ნოშრევან ნამორაძეს მის მიმართ აქვს უსაფუძვლოა. აღნიშნულზე კოდუამ "მაესტროს" პირდაპირ ეთერში ისაუბრა.
"სასამართლომ მიიღო გადაწყვეტილება, რომ მე ვიყავი მსუბუქად დაზარალებული და ნამორაძე იყო მარტო.
ჩემთვის ცნობილია, რომ ძალადობა განახორციელა სამმა ადამიანმა. თვითმხილველებისგან ვიცი ამის შესახებ. დანარჩენი ყველაფერი მათ სინდისსზე იყოს.
ნოშრევან ნამორაძის ბრალდებები ჩემი მისამართით უსაფუძვლოა. მე მის დაჭერაში და ქონების წართმევაში მონაწილეობა არ მიმიღია." - განაცხადა დავით კოდუამ.
შეგახსენებთ, ბიზნესმენ ნოშრევან ნამორაძე 50-ათასლარიანი გირაოს სანაცვლოდ თბილისის საქალაქო სასამართლოს დარბაზიდან გაათავისუფლეს.
