გია ვოლსკი: "ნაციონალები" წარსულის გათეთრებას ცდილობენ!
როგორც უმრავლესობის ლიდერმა, გია ვოლსკიმ ჟურნალისტებთან საუბარში განაცხადა- საპარლამენტო უმცირესობა რაფალიანცის გარდაცვალებასთან დაკავშირებით პარლამენტში დროებითი საგამოძიებო კომისიის შექმნის საკითხით ნაკლებად არის დაინტერესებული
მისი თქმით, უმცირესობა ცდილობს, ამ თემის წამოწევით საზოგადოებას თავი მოაჩვენოს, თითქოს სამართლისათვის მებრძოლი გუნდია.
"დღევანდელი დღე ნათლად ადასტურებს იმას, რასაც პრინციპში მოველოდი. არავითარი კომისიის შექმნის სურვილი "ნაციონალურ მოძრაობას" არ აქვს. მათ აქვთ ერთადერთი ინტერესი - ისინი რაღაცნაირად ცდილობენ გაათეთრონ წარსული, სადაც სერიოზული სისხლისფერი სჭარბობს. ცდილობენ თავი წარმოაჩინონ ისე, თითქოს სამართლისთვის მებრძოლი გუნდია. ეს არც დაუმალავთ. ეს ყველაფერი პირველივე სიტყვიდან ჩანდა", - აღნიშნა გია ვოლსკიმ.
