დაიკითხება თუ არა სკაიპით დათა ახალაია?!
თბილისის საქალაქო სასამართლოში დღეს შესაძლოა, დათა ახალაია "სკაიპით" დაიკითხოს. მისი დაკითხვა ე.წ. ნავთლუღის სპეცოპერაციის საქმეზე იგეგმება , სადაც დათა ახალაიას საკონტროლო გასროლით, განზრახ მკვლელობას ედავებიან.
ახალაიას ადვოკატის მალხაზ ველიჯანაშვილმა განაცხადა, დათა ახალაია დაცვის მხარის დასაკითხ მოწმეთა სიაშია.
"გვინდა, დავკითხოთ დათა ახალაია, თუკი ამის ტექნიკური საშუალება იქნება დღეს საქალაქო სასამართლოში. თუ დღეს ვერ მოხერხდება, მას შემდგომ პროცესზე დავკითხავთ", - განაცხადა მალხაზ ველიჯანაშვილმა.
გარდა დათა ახალაიასი, დღეს დაცვის მხარის სხვა მოწმეების დაკითხვაც იგეგმება, მათ შორის გარდაცვლილი შალვა თათუხაშვილის ძმის.
