ზურაბ აბაშიძე: აშშ-ს სენატის რეზოლუცია მოსკოვს ალბათ არ გააღიზიანებს!
რუსეთთან ურთიერთობის საკითხებში პრემიერ-მინისტრის მრჩეველმა ზურაბ აბაშიძემ ჟურნალისტებთან საუბარში განაცხადა, რომ "ყველანაირად ვცდილობთ, ჩვენი ევროპული პოლიტიკა წავმართოთ ისე, რომ რუსეთის მხრიდან არანაირი განსაკუთრებული წინააღმდეგობა არ შეგვხვდეს".
აბაშიძე ამერიკის სენატში გუშინ მიღებული რეზოლუციის გამო მოსკოვის გაღიზიანებას არ ელოდება.
"ამერიკის შეერთებული შტატები ჩვენი სტრატეგიული პარტნიორია. მასთან უაღრესად კონსტრუქციული, მჭიდრო თანამშრომლობა გვაქვს. ეს საკითხი კარგა ხანია, დღის წესრიგში დგას. მე ვფიქრობ, რომ ეს სერიოზული წინგადადგმული ნაბიჯი იქნება ჩვენი ქვეყნის უსაფრთხოების გაძლიერების თვალსაზრისით", - განაცხადა აბაშიძემ.
აშშ-ის სენატის საგარეო ურთიერთობათა კომიტეტმა დაამტკიცა კანონპროექტი, რომელიც ნატო-ს არაწევრ ქვეყნებს - საქართველოს, მოლდოვასა და უკრაინას აშშ-ის ნომერ პირველ პარტნიორებად აღიარებს.
