დავით ნარმანია: ახალი თავშესაფრის მშენებლობისთვის ელექტრონული ტენდერი გამოცხადდება!
მერიამ რეგიონული განვითარებისა და ინფრასტრუქტურის სამინისტროსგან მიუსაფართა თავშესაფრის მშენებლობის პროექტი გადაიბარა. მთავრობის სხდომიდან გამოსულმა თბილისის მერმა ჟურნალისტებს განუცხადა, რომ თვითმმართველობის ახალი კოდექსით, მუნიციპალიტეტის უფლებამოსილება გახდა ეს საკითხი.
ნარმანიას თქმით, მას შემდეგ, რაც ახალი თავშესაფარი აშენდება, ე.წ. კარვების ქალაქი დაიხურება და იქ მყოფი ადამიანები თავშესაფარში გადავლენ.
"საპროექტო სამუშაოები, რომელიც სამინისტრომ შეასრულა, ჩვენ გადმოგვეცა გასულ კვირას. შესაბამისად, გამოვაცხადებთ გამარტივებულ ელექტრონულ ტენდერს
მშენებლობაზე, რომ სწრაფად დავიწყოთ ახალი თავშესაფრის მშენებლობის საკითხი", - განაცხადა ნარმანიამ.
