დავით ნარმანია: მერია სესხს აუცილებლობის შემთხვევაში აიღებს!
თბილისის მერის, დავით ნარმანიას განცხადებით, თბილისის მერია სესხს მხოლოდ იმ შემთხვევაში აიღებს, თუ წლის ბოლოს დეფიციტი იქნება და ამის აუცილებლობა დადგება. ნარმანიამ კომენტარი ჟურნალისტებთან გააკეთა.
"ჩვენ სესხს ავიღებთ იმ შემთხვევაში, თუ წლის ბოლოს დეფიციტი იქნება და ამის აუცილებლობა დადგება. ჯერჯერობით ჩვენ გვაქვს მიმდინარე ნაშთი შესაბამის ანგარიშზე, ანუ თბილისის მერიის ანგარიშზე და იქიდან ვხარჯავთ. ბიუჯეტში ცვლილება გუშინწინ დამტკიცდა და შესაბამისად, ახლა უკვე შეცვლილი ბიუჯეტით შეგვიძლია ვიმუშაოთ და მივაწოდოთ საზოგადოებას ის აუცილებელი ჯანდაცვითი და სოციალური მომსახურება, ასევე სხვა მომსახურება, რომელსაც ისინი ელოდებიან", - განაცხადა ნარმანიამ.
