ლადო სადღობელაშვილი: "ნაციონალებმა" ახალგაზრდებს სული, სამშობლო და ზნეობა წაართვეს!
"რეპორტიორის" პრესკლუბში ორგანიზაცია "თავისუფალი თაობის" ერთ-ერთი დამფუძნებელმა ლადო სადღობელაშვილმა ორგანიზაციის წარმომადგენლებთან ერთად "თავისუფალი ზონის" წევრების მუქარასა და პროვოკაციულ ქმედებებზე სპეციალური ბრიფინგი გამართა.
"რამდენიმე დღეა, რაც სოციალური ქსელის მეშვეობით "თავისუფალი ზონის" წარმომადგენლები ფიზიკური განადგურებით და "ნაციონალური მოძრაობის" დაბრუნებით გვემუქრებიან. ჩვენ მხოლოდ სიბრალულის გრძნობა გვაქვს "ნაცების" პატრიოტთა ბანაკების ბუჩქებში აღზრდილი ახალგაზრდების მიმართ. "ნაციონალურმა მოძრაობამ" ამ ახალგაზრდებს წაართვა სული, სამშობლო და ზნეობა. ზიზღი, მანიაკალური, სადისტური ვნებებია მხოლოდ მათი ცხოვრების არსი. მათგან გასხვავებით, ჩვენ პატივს ვცემთ დედაენას, ეკლესიას და მრწამსს. "თავისუფალი თაობა" ვირთხებს აღარასდროს მისცემს უფლებას, პროვოკაციებზე წამოგვაგოს. ამ ახალგაზრდების მოწამვლაში ყველაზე დიდი წვლილი "ნაციონალების" მამებს - მიხეილ სააკაშვილს, ვანო მერაბიშვილს, გიგი უგულავას და ბაჩო ახალაიას მიუძღვით. დარწმუნებული ვართ, ქართველი ხალხი ეკლესიების დამანგრევლებს ნდობას აღარასდროს გამოუცხადებს", - განაცხადა "ახალგაზრდა თაობის" ერთ-ერთმა დამფუძნებელმა ანა დარსალიამ.
"დაახლოებით ერთი კვირაა, რაც " თავისუფალი თაობა" გამოჩნდა ასპარეზზე. ამ ეტაპზე მიზნად ვისახავთ, გავანადგუროთ "ნაციონალური მოძრაობის" სატელიტები და პირველ რიგში ეს იქნება "თავისუფალი ზონა".
ამ პიროვნებებს და ზოგადად "ნაციონალური მოძრაობის" წარმომადგენლებს ისევ წამება, გაუპატიურება და ბიზნესების წართმევა უდევთ ტვინში. მინდა, საზოგადოებას მოვუწოდო, დავდგეთ ყველანი ერთად და არავითარ შემთხვევაში არ მოვატრიალოთ "ნაციონალური მოძრაობა" ხელისუფლებაში",- განაცხადა "ახალგაზრდა თაობის" ერთ-ერთმა დამფუძნებელმა ლადო სადღობელაშვილმა.
