ამერიკაში პროდუქტებზე ფასების ზრდით პროკურატურა დაინტერესდა
ამერიკის შეერთებული შტატების პროკურატურა პროდუქციებზე ფასების უსაფუძვლო ზრდის ფაქტებთან დაკავშირებით გამოძიებას იწყებს.
შტატების გენერალური პროკურორის ერიკ შნაიდერმანის განცხადებით, სტიქია "სენდის" შემდეგ ზოგიერთმა ობიექტმა ხელოვნურად გაზარდა ფასები, რაც ნიუ-იორკში კანონით ისჯება.
პროკურორისვე ინფორმაციით, შტატში უკვე 500 ფაქტი დაფიქსირდა, როდესაც ბენზინზე, საკვებ პროდუქტებზე, წყალზე, ფარნებსა და ბატარეებზე დაუსაბუთებლად იყო ფასი გაზრდილი. ასევე ცნობილი გახდა, რომ მანჰეტენზე მდებარე ერთ-ერთ სასტუმროში დღის გატარება 269 დოლარის ნაცვლად 679 დოლარი გახდა. ბენზინი კი შტატებში დაახლოებით 20-30 პროცენტით არის გაძვირებული.
