ბრიტანულმა ავიაციამ, სირიის ტერიტორიაზე "ისლამური სახელმწიფოს" პოზიციებზე ახალი ავიაიერიშები მიიტანა- ამის შესახებ "ბიბისი" იტყობინება.
ტელეკომპანია აღნიშნავს, რომ მას შემდეგ, რაც დიდი ბრიტანეთის პარლამენტმა, სამხედრო მისიის დაწყებას მხარი დაუჭირა, ბრიტანული ავიაცია ისლამისტების პოზიციებს მეორედ ბომბავს.
შესაბამისი გადაწყვეტილება ბრიტანელმა დეპუტატებმა 2 დეკემბერს მიიღეს, 3 დეკემბერს კი, ბრიტანულმა სამხედრო თვითმფრინავებმა პირველი იერიშები მიიტანეს.
როგორც ქვეყნის თავდაცვის სამინისტროში განაცხადეს, სამხედრო-საჰაერო ძალების სამიზნე სირიის აღმოსავლეთში, ნავთობსაბადოების რაიონში მდებარე ისლამისტების ობიექტებია.
