ხმაურიანი სხდომა საკრებულოში და დაწუნებული ბიუჯეტი

თბილისის საკრებულო 2013 წლის დედაქალაქის ბიუჯეტის პროექტს განიხილავს.

სხდომა საკრებულოში ხმაურით დაიწყო. საკრებულოს ოპოზიციონერი წარმომადგენლები აცხადებენ, რომ ბიუჯეტის პროექტი, რომელიც დასამტკიცებლადაა წარდგენილი, მათთვის მიუღებელია, უფრო მეტიც - ბუნდოვანია

სხდომაზე „ქრიატიან-დემოკრატიული“ ფრაქციის წევრებმა განხილვაზე დედაქალაქის მერის, გიგი უგულავას დასწრება მოითხოვეს.

სხდომა პროტესტის ნიშნად დატოვეს ფრაქცია „ქრისტიან-დემოკრატებისა“ და „ქართული ოცნების“ წარმომადგენლებმა. საკრებულოს წევრების ნაწილი კი განხილვას ესწრება, თუმცა ბიუჯეტის პროექტის მხარდაჭერას არ აპირებს.

საკრებულოს სხდომას ორი დამოუკიდებელი დეპუტატი - კახა კუკავა და მამუკა კაციტაძე ესწრებიან.

კაციტაძის განცხადებით, ის დედაქალაქის ბიუჯეტს მხოლოდ იმ შემთხვევაში დაუჭერს მხარს, თუ კონკრეტულ შენიშვნებს გაითვალისწინებენ.