სასწრაფო დახმარებას სპეციალური სამუშაო ჯგუფი დაეხმარება
სასწრაფო სამედიცინო დახმარების ცენტრის პრობლემების შესასწავლად და მოსაგვარებლად სპეციალური სამუშაო ჯგუფი შეიქმნება.
ამ საკითხზე შეთანხმება ჯანდაცვის სამინისტროში გამართულ შეხვედრაზე შედგა, რომელსაც ჯანდაცვის მინისტრი, სასწრაფო დახმარების ექიმები და 112-ის ცენტრის თანამშრომლები ესწრებოდნენ.
მხარეებმა შრომით და ტექნიკურ პირობებთან დაკავშირებული პრობლემები განიხილეს და სამომავლო გეგმებიც დასახეს.
სასწრაფო დახმარების ექიმებმა ხელფასის მომატებისა და ტექნიკური აღჭურვილობის განახლების პირობაც მიიღეს.
