ნატოს საინფორმაციო ცენტრში „ნატოსკოპის“ პრეზენტაცია გაიმართა

დღეს ნატოს საინფორმაციო ცენტრის ოფისში ონლაინ თამაშის "ნატოსკოპის"პრეზენტაცია გაიმართა.

პრეზენტაციაზე  მოწვეული იყვნენ ნატოს საკითხებზე მომუშავე ექპერტები და სტუდენტები.

"ნატოსკოპი"- ეს არის თამაში ჩრდილოატლანტიკური ალიანსის შესახებ. თამაში  ოთხი ტურისგან შედგება და  მოიცავს ნატოს წევრი ქვეყნების ისტორიის, სტრუქტურების, ფუნქციების შესახებ კითხვებს.

ნებისმიერ მსურველს შეუძლია ამ ონლაინ თამაშის ნახვა სოციალურ ქსელ "facebook"-ზე  ნატოს შესახებ საინფორმაციო ცენტრის ოფიციალურ გვერდზე.

„ეს თამაში დააინტერესებთ როგორც ახალგაზრდებს, ისე ზრდასრულ ადამიანებს. თამაში შედგება 400-მდე კითხვისგან. ერთ-ერთი ტური არის დროშების გამოცნობის. დარწმუნებული ვარ, ეს თამაში დიდი ხანი იქნება ლიდერი „facebook"-ზე არსებულ თამაშებს შორის“,- განაცხადა ნატოს საინფორმაციო ცენტრის ხელმძღვანელმა, თენგიზ გოგოტიშვილმა.