Iverioni
«    სექტემბერი 2018    »
 12
3456789
10111213141516
17181920212223
24252627282930
სექტემბერი 2018 (11)
აგვისტო 2018 (17)
ივლისი 2018 (12)
ივნისი 2018 (12)
მაისი 2018 (9)
აპრილი 2018 (16)
29-12-2012, 17:48
ნანახია: 2399

მარტვილში საპროტესტო აქცია დაპირისპირებაში გადაიზარდა

მარტვილში მთავარი საკრებულოს წინ გამართული საპროტესტო აქცია ურთიერთდაპირისპირებაში გადაიზარდა. ადგილობრივების გაღიზიანება აქციაზე უმცირესობის წარმომადგენლების გამოჩენამ გამოიწვია. „ნაციონალური მოძრაობის“ წევრებმა შენობაში თავმჯდომარისა და გამგებლის შეშვება მოითხოვეს.


პროტესტის მონაწილეების მოთხოვნა უცვლელია, ისინი საკრებულოს თავმჯდომარის და გამგებლის გადადგომას მოითხოვენ.


საპარლამენტო უმცირესობის წევრი გია თევდორაძე საპროტესტო აქციას გამოეხმაურა. მისი განცხადებით, პოლიცია არასათანადოდ მუშაობს და ქვეყნის უსაფრთხოება არასაიმედო ხელშია.  


„გუშინ ჩვენ მივიღეთ ადგილობრივი და სამხარეო პოლიციის მოადგილისგან დაპირება იმის შესახებ, რომ  თვითმმართველობის ნორმალური ფუნქციონირება აღდგებოდა და მომიტინგეები დაიშლებოდნენ. თუმცა პოლიციამ ვერ შეასრულა დაპირება. მე მაქვს საფუძვლიანი ეჭვი ვიფიქრო, რომ ეს ადამიანები შეგნებულად არიდებენ თავს ჩვენთან შეხვედრას. თუ დღეს ასეთი არასრულფასოვანი კომუნიკაცია გააჩნია ჩვენს პოლიციას ერთმანეთთან, მაშინ გამოდის, რომ ჩვენი უსაფრთხოება ძალიან არასაიმედო ხელშია“, –  განაცხადა გია თევდორაძემ.