Iverioni
«    იანვარი 2020    »
 12345
6789101112
13141516171819
20212223242526
2728293031 
იანვარი 2020 (2)
დეკემბერი 2019 (12)
ნოემბერი 2019 (18)
ოქტომბერი 2019 (5)
სექტემბერი 2019 (1)
აგვისტო 2019 (5)
16-07-2014, 13:05
ნანახია: 566

შსს-მ განსაკუთრებით დიდი ოდენობით ნარკოტიკული ნივთიერება ამოიღო

შსს-ს საპატრულო პოლიციის დეპარტამენტის აჭარის მთავარი სამმართველოს თანამშრომლებმა, ჩატარებული საგამოძიებო ღონისძიებების შედეგად, 1967 წელს დაბადებული, თურქეთის მოქალაქე ზუბეირი ჩ. განსაკუთრებით დიდი ოდენობით ნარკოტიკული ნივთიერების უკანონო შეძენა-შენახვის და საქართველოში შემოტანის ბრალდებით სარფის საბაჟო გამშვებ პუნქტში დააკავეს.

 

სამართალდამცველებმა დაკავებულის ბარგისა და ხელბარგის ჩხრეკისას 42 აბი "სუბოქსინი" და 2 აბი "ბოქსინი" ამოიღეს, რომლებიც ექსპერტიზის დასკვნით 0,31 გრ ნარკოტიკულ ნივთიერება ბუპრენორფინს შეიცავს. გამოძიებამ დაადგინა, რომ ბრალდებულმა ნარკოტიკები საქართველოში თურქეთიდან შემოიტანა.

 

ნარკოლოგიური შემოწმების შედეგად დაკავებულს ოპიუმის ჯგუფის ნარკოტიკული საშუალების მოხმარების ფაქტი დაუდგინდა.

 

გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის და განსაკუთრებით დიდი ოდენობით ნარკოტიკული საშუალების საქართველოში შემოტანის ფაქტებზე მიმდინარეობს (საქართველოს სსკ-ის 260-ე მუხლის მე-3 ნაწილის "ა" ქვეპუნქტით და 262-ე მუხლის მე-4 ნაწილის "ა" ქვეპუნქტით).