NDI: მოსახლეობა ხელისუფლების გადაწყვეტილებების მიმღებ პირად, ბიძინა ივანიშვილს ასახელებს

საქართველოს მოსახლეობის უდიდესი ნაწილი თვლის, რომ ყოფილი პრემიერ-მინისტრი ბიძინა ივანიშვილი, მას შემდეგ, რაც თანამდებობა დატოვა, კვლავ რჩება ხელისუფლების საქმიანობაზე  გაადწყვეტილების მიმღებ პირად. 

ეროვნულ-დემოკრატიული ინსტიტუტის (NDI) მიერ ჩატარებული საზოგადოებრივი აზრის კვლევის თანახმად,  გამოკითხულთა 31%-ს მიაჩნია, რომ ბიძინა ივანიშვილს ხელისუფლების საქმიანობასა და  გაადწყვეტილებებზე გავლრნა კვლავ აქვს, რასაც უმეტესობა ამართლებს.  ამ აზრს არ ეთანხმება გამოკითხულთა 8%,  ხოლო 17 %-ს კი,  კითხვაზე პასუხი არ აქვს. 

NDI -ს  ამავე  კვლევის თანახმად, მოსახლეობის 34  % თვლის, რომ ყოფილი ხელისუფლების თანამდებობის პირების მიმართ მიმდინარე სისხლისამართლებრივი დევნა, უმთავრესად, სამართლიანობისა და თანასწორობის  პრინციპებს ეფუძნება. „ნაციონალური მოძრაობის“ ყოფილი სახელისუფლებო ლიდერების წინააღმდეგ მიმდინარე გამოძიება, გამოკითხულთა 9 % - ის აზრით, პოლიტიკური შურისძიების სურვილისთ არის გამოწვეული.

ამავე დროს, ორგანიზაციის მიერ ქვეყნის მასშტაბით გამოკითხულთა 83% პირადად არ იცნობს პირს, ვინც მისი აზრით, სახელმწიფო ან საჯარო სამსახურიდან  პოლიტიკური შეხედულების გამო გაათავისუფლეს. კითხვაზე დადებითი პასუხი კი, 12 % - ს აქვს.

კვლევა მთელი საქართველოს მასშტაბით ქართულად მოსაუბრე მოსახლეობას შორის ჩატარდა. ორგანიზაციის განცახდებით, კვლევის შედეგების  ცდომილება +–2.1%–ია. 

მირანდა ჭარხალაშვილი